Phuaibuangah buhfai a harsa

Aizawl district chhunga hmar lam, Phuaibuang khuaah chawlhkar thum chhung ration buhfai an dawn tawh loh avangin mipuiin harsatna an tâwk mek nia thu dawn a ni.

Phuaibuang khuaa V/C aiawha khawtlang enkawltu Advisory Board member-te hnen aṭanga thu dawn danin, mipuite'n kar thum chhung buhfai an dawn tawh loh avangin harsatna an tâwk a, an mangang tawh hle. Zing tin buhfai beiseiin kudam leh retailer in kawtah an kal khawm ṭhin a, nimin zingah pawh khan mi eng emaw zat an kal khawm leh a ni.

Phuaibuang khuaah hian HPC(D)-te vauna avangin Mizoram hmun dang rualin V/C an thlang ve thei lo a, V/C an neih loh avangin Advisory Board-in khawtlang an enkawl mek a ni.