Adhoc Grants-in-Aid a Kawlkulh HSS Dah turin zirlaiten sorkar an ngen

Kawlkulh Students' Union chuan an Kawlkulh Higher Secondary School chu Adhoc Grants-in-Aid ah hlang kai turin Mizoram sorkar an ngen a; a hlawhtlin theihna tur a nih chuan an theih anga hmalak zel an tum thu an tarlang

Kawlkulh Students' Union chuan September 26, 2023 khan thuchhuah siamin, Kawlkulh HSS chu kum 2008 aṭangin khawtlang mipui hmalaknain kalpui ṭan a nih thu an tarlang a, "Khawtlang enkawlna aṭang hian kan sorkar chak tak hian min chhâwk zângkhài ve tawh se tih hi kan duhthusam ber a ni. Kum 2018 khan Lumpsum Grants-in-Aid ah hlankai a lo ni tawh a, Kawlkulh mai bakah a chhehvel khuaten kan chhawr hle," an ti.

Kawlkulh HSS chu Adhoc Grants-in-Aid ah sorkarin a dah thuai an beisei thu tarlangin Kawlkulh Students' Union chuan, "Hlankai a nih vat theih nana hma min laksak turin Mizoram sorkar kan ngen a, a hlawhtlin theihna tur a nih chuan a theih ang anga hmalak zel kan tum a ni," an ti bawk.