Ruihhlo do chungchang zirhona buatsaih

Saitual District Level Task Force on Ruihhlo Do Committee chuan nimin khan Saitual College auditorium-ah ruihhlo do chungchang awareness campaign an buatsaih a; bawrhsap Dr Lalngura Tlau-in hmanpuiin, hemi puala video clip siam intihsiak lawmman a sem nghal a ni.

Dr Lalngura Tlau chuan, Mizoramah ruihhlo do kalpui a nihna a rei tawh thu a sawi a, "Kil hrang hrang aṭangin do a ni a, DC office lamin awareness a buatsaih a, a la tive loten an tihve loh nana hmalak te, Kohhran, YMA, police, Social Welfare leh Education lam thlengin an theihtawpin anmahni zawn ṭheuhah an do a ni," a ti a: zirlaite chu tih chhin chakna laka fihlim leh thutlukna fel tak siam a pawimawh tih hre thar turin a chah.