Siahaah mi 31 thleng thar
Nimin khan Siaha district mi leh sa West Bengal aṭangin mi pasarih leh Assam aṭangin mi 24-te'n Siaha an thleng a, rapid antibody test (RAT) hmanga endiknaah reactive (positive) an awm lo.
Siaha district-a sorkar quarantine centre pasarihah mi 174 an awm mek a, haw leh turte dahna turin quarantine facility 35 ruahman fel a ni tawh.
Nimin tlai dar 4 thleng khan Siaha district mi, Mizoram páwn aṭanga haw, kawng laka la awm mek mi 229 an awm a; chu'ngte chu Meghalaya aṭangin mi 220 leh Manipur aṭangin mi pakua an ni. Nizan dar 8 khan Telangana aṭangin Siaha district mi 34 an lo chhuak a, vawiin hian Odhisa aṭangin bus-in mi 22 an lo chhuak bawk ang.