Journalist pension scheme vangin lawm

MJA Coordination Committee chu nimin khan Lawngtlai Press Club-ah neih a ni a, Council of Minister ṭhukhawmin, Mizoram Journalist Pension Scheme, 2023 a pawm avanga an lawmthu an tarlang.

MJA Coordination Committee hi MJA Gen. Hqrs. president C Lalrambuatsaiha'n a kaihruai a, general secretary Lalrinmawia Sailo leh treasurer C Lalhmachhuana-ten report an pe. MJA General Conference 2023 rorel bawhzui dan thlirho a nih bakah, district MJA budget bithliah a ni.

MJA chuan resolution pass-in, "Mizoram Journalist Pension Scheme 2023 pawm a ni ta hi MJA chuan lawmawm a ti tak zet a, thinlung takin Mizoram sorkar chungah lawmthu kan sawi a ni," an ti.

Pension scheme a hlawhtlin theihna tura hma latu hrang hrang - chief minister Zoramthanga, IPR minister Lalruatkima, IPR department officer te, Finance department leh Law & Judicial department hotute leh journalist-te duhsaktute zawng zawng chungah MJA chuan lawmthu an sawi.

MJA chuan journalist pension scheme hi a taka hman hlan an nghakhlel hle tih tarlangin, an hman thuai theih nan chak taka bawhzuisak zel turin Mizoram sorkar thu­neitute an ngen nghal.