Sorkarin rethei takin min dah - CLP Leader

September 27, Nilainia Mizoram Pradesh Mahila Cong­­ress Committee-in Vana­pa Hall-a inkhawmpui an neih a hmanpuinaah Cong­­ress Legislature Party (CLP) leader Zodintluanga Ralte chuan sorkarin mipuite rethei taka a dah thu a sawi.

CLP Leader chuan MNF sorkar hnuaiah hian miretheite an rethei a, sum lêng vâk a tlem a, sum­dawngte an in hralh thei lo tih sawiin, "Hei hi tihluihna a ni. Vawiinah hian rethei taka min dah a, kan pumpui hnuna min hnuh a, sorkar an tum a ni. Sorkar hnathawkten hlawh an la mumal thei loa, retheiin min siam a, kan budget hmasawnna hnathawh nan hmang loa vote lei nana hman an tum. SEDP-te hi, a dawng tawh tam tak Congress-ah an rawn lut mek a ni," a ti.

India ramah Indian National Congress a lal apiangin Mizoten hmasawnna an hmu ṭhin nia sawiin Zodintluanga chuan, "Mizoramah pawh Congress a sorkar apiangin hmasawnna leh remna leh muanna a awm ṭhin," a ti.

Congress thiltih ṭhat hmu duh miah lo party an awm thu sawiin CLP Leader chuan, "ZPM Leader Pu Lalduhoma hi kum 1984 aṭangin MLA-ah a in candidate tawh a, mahse mipuiin thuneihna pek tlakah an ngai lo a ni," a ti a, inthlan lo awm turah pawh Lalduhoma chu mipuiin thuneihna an pek a rin loh thu a sawi.

Zodintluanga chuan ZPM-ah chuan a haw hnuhnung hnung thu a tlang ṭhin an tih ṭhin chu ngaihtuah a ngaih thu sawiin, "Pu KS Thanga pawh an hotuluten vice president turin an sawm a, mahse a haw hnuhnungte vang nge ni, Vice President-ah an dah duh leh ta lo a ni. Keini chuan Pu Lalnunmawia Chuaungo kan sawm a, kan dah mai a ni. Chuvangin kan ram hruai turin kan duh dawn em ni," a ti.