2023-ah OMB hmangin ṭum hnih Mizoramin sum a pûk leh dawn

29th September, 2023

Reserve Bank of India (RBI) in a tarlan danin, kuminah Mizoram sorkarin open market borrowing (OMB) hmangin ṭum hnih sum a puk leh dawn.

Mizoram sorkar hian OMB hmang hian thla thar, October-ah cheng vbc. 90 a puk dawn a, November-ah puk loin, December-ah cheng vbc. 100 a puk leh dawn thung.

Mizoramin sorkar kum kal mek (April 2023 - March 2024)-ah hian ṭum li OMB

hmangin sum a puk tawh a, a puk tawh zawng zawng belhkhawm chu cheng vbc. 510 a ni.

Kumina ṭum hnih sum a puk leh tur nen Mizoram sorkar chuan sorkar kum kal mekah, kum 2023 chinah cheng vbc. 700 a puk dawn tihna a ni.