Hnahthial VC-ten khawmpui an hmang

Hnahthial District Village Council Association (HDVCA) chuan nimin khan Horeb conference hall, Hnahthialah khawmpui an hmang a, bialtu MLA Dr R Lalthangliana, minister-in a hmanpui.

Dr R Lalthangliana chuan August 15, 2019 aṭanga district anga a function tâk hnuah Hnahthial chuan hmasawnna nasa tak a hmuh thu sawiin, "District-in a ken tel office tam tak hawn tawh niin, district thar pathum zingah DC office building hawng hmasa ber kan nih bakah, District Treasury Office, DVO, Horticulture Office, DUDO, DRDO, DCSO leh office dang tam tak hawn a ni ta hi a ropui," a ti.

VC-te chu an pawimawh hle tih sawiin Dr R Lalthangliana chuan, "Sorkar kutke pawimawh tak an ni. Sorkarin dan leh hrai a nei a, chumi dan hmanga uluk taka inthlang an ni. Village level-ah an pawimawh hle. Mipui vantlang nena inngheng hnai ber an ni tiin an harsatna leh an mamawh hretute chu VC an ni," an ti a, VC-te hnathawh chu a pawimawhin, an mawhphurhna pawh a san thu a sawi.

HDVCA khawmpuiah hian chawhnu lamah hruaitu thar an thlang a, zanriah an kilho nghal.