ZoTrek-te'n Bâkpûk luhchhuah

ZoTrek Adventure Club-te chuan January 30, 2016 khan Kolasib district-a Bâkpûk (Tuilut an tih bawk) chu luh chhuakin an zir chiang.

Bâkpûk luhchhuak-tute hi Zotrek Adventure Club member-te bakah, geologist paruk leh Zirtiri Residential College assistant professor pahnih an ni a; January 29 khan Aizawl aṭangin qualified adventure instructor Alfred Vanchhawng-in a vai liam a ni.

Bâk pûk hi a luhna kua aṭangin khawthlang lamah zau takin ft. 200 vel a kua a, a tawpah hnáwlin a dang. Hmar lamah lung khawkrawk tak tak karah lêngkîr ft. 20 vela thûk awmin, ahnuaiah hian dil zau tak a awm a; dil awmna hi an luhna kua aṭanga meter 100 vela hla a ni.