Chhimtuipuia marboat service hawng

Thlengang khua leh Varṭek khaw inkara Chhimtuipui lui kal kaina tur leh lirthei phurh kaina atana buatsaih, marboat chu January 29, 2016 khan a service ṭan a, bialtu MLA, par-liamentary secretary H Zo-thangliana'n a hawng.

Sorkar thuchhuah tarlan danin, Lawngtlai district khawchhak lam tlangdung leh Lawngtlai khawpui in-kalpawhna atana kawng hnai tak ruahmanna, Thingfal
aṭang-a Mámtê leh Thlengang khuate paltlanga Sangau tlangdung kai theihna turin kawngpui, PMGSY aṭangin sial tawh a ni. He kawng hian Chhimtuipui a paltlang avang leh leilawn dawh mai theih a nih loh avangin marboat siam a ni.

Marboat kaina lai tur, Mau-rawpkai kawng leh a lawng kai (jetty) chu Sangau tlangdunga khaw pakuaa V/C 13-te'n an thawhkhawm a, Sangau BDO, Vanlalṭanpuia kaihhruaina hnuaiah siam a ni.