K-Deposit-a sum dah a tlahniam: MPCC

Congress party-a Communi-cation department chuan, April 2015-a sorkar sum K-Deposit-a awm zat chu cheng vbc. 1,300 a nih laiin, thla riat hnu, tunah chuan vbc. 730 chiah a ni tawh niin an tarlang a; Congress sorkar kutah mipuite an him nia sawiin, thlamuang taka awm turin an chah.

MPCC Communication department chuan, Mizoram sorkar sum dinhmun chu a
ṭha thei ngai lo tih sawiin, kum 20/30 chhûng khan ṭhat tak tak hun a awm ngai meuh lo niin an sawi a, "Hetiang dinhmuna kan din chhan chu sorkarin a hman loh theih loh mamawha kan hmanna hi sorkar thawh chhuah aia a lêt kua laia tam a ni reng a, kan mamawh 100-a 10 chauh state tum a ni. Hmarchhak state tam tak leh India rama state eng emaw zât, pachhe ve tak takte dinhmun pawh hetiang deuh tho hi a ni," an ti.

MPCC Communication-in Treasury figure an tarlan danin, sorkarin chak taka hma lain, kum 20 liam ta aṭanga K-Deposit-a sum dah tihtlem tumin theihtâwp a chhuah a; April 2015-a K-Deposit-a cheng vbc. 1,300 awm chu tunah chuan vbc. 730-ah a tlahniam tawh a ni.