The Grand Gandhi Jayanti Exhibition

30th September, 2023

Commerce & Industries department hotute chuan nimin khan Aizawl Press Club-ah thuthar thehdarhtute kawmin, October 2 - 4, 2023 chhung hian governor Dr Hari Babu Kambhampati duhdan angin Circular Lawn, Raj Bhavan-ah Mahatma Gandhi piancham lawmna atan leh hriatrengna atan 'The Grand Gandhi Jayanti Exhibition' buatsaih a nih dawn thu an sawi.

Commerce & Industries dept. hotute sawi danin, exhibition buatsaihna atan hian Ministry of Textiles aṭangin cheng nuai 11.99 hmuh a ni. Handloom & handicraft stall 46, food stall pathum, food processing stall 19 leh department/PSU/financial institution stall panga hawn a ni dawn.

The Grand Gandhi Jayanti Exhibition hi mipui a duh apiangte tan zing dar 10 aṭanga zan dar 7 thleng tlawh theih a ni ang.