Lawngtlaia quarantine centre-ah mi 61 awm mek

Lawngtlai district-a quarantine centre hrang hrangah mi 61 an awm mek a, chu'ng zingah chuan Ningani zana Kolkata aṭanga thleng mi 12 an tel.

Lawngtlai district mi, state páwn aṭanga haw mek eng emaw zat an awm a, haw tura beisei mi 800 chuang an la awm bawk. Haw mek leh haw turte chu sorkar phalnaa haw tur an ni. Haw thleng tawh zingah chhungkaw pakhata mi palite chu home quarantine phalsak an ni a, tun hnaia haw zinga quarantine facility-a awm loa home quarantine-a awm tura phalsak hmasak ber an ni.