Post graduate zirna hawn belh duh

Aizawl City College Joint Students’ Union (ACCJSU) hruai-tute chuan nimin khan MZU vice chancellor Dr. R Lalthantluanga a pisa-ah hmuin, Mizoramah post graduate zirna a indaih loh nasat avangin Pachhunga University College-a post graduate zirna hawn belh a nih theihna atana theihtawp chhuahpui turin an ngen.

ACCJSU chuan thuchhuah siamin MZU Vice Chancellor-in a lo dawnsawn danah an lawm thu tarlangin, "A hmalakna zarah post graduate hawn a nih kan beisei tlat a ni," a ti.

ACCJSU hruaitute hian MZU-a Sports department hotute an hmu nghal a, MZU Annual Sport Meet neih leh turah regular student-te chauhin infiamna an hmachhawn theih nan ‘Sport Eligibity Criteria’ chungchang an sawi pui. MZU Sport deparment secretary chuan an ngenna lo bawhzui a tiam niin ACCJSU thuchhuah chuan a tarlang.