PwD Commissioner thar ruat hun tur Sawi theih a la ni lo: PC Lalthanliana

Social Welfare minis-ter PC Lalthanliana chuan, Person with Disabilities (PwD) Commi-ssioner thar ruat a nih hun tur sawi theih a la nih loh thu a sawi. Hetih lai hian, Social Welfare department chuan thu-chhuah siamin, B Saireng-puii bân a nih chung-changah sorkar laipui a inrawlh lo tih an tarlang.

Vanglaini palai zawhna chhangin PC Lalthanliana chuan, PwD Commissioner ruat dan turah rules an neih thu sawiin, "PwD Commissoner thlang turin Search-cum-Selection Committee din tur a ni a, hei hi din a la ni lo. Engtikah nge Commissioner thar hi kan ruat ang tih a la hriat theih mai loh," a ti a; Commissioner hna chu Social Welfare Secretary-in a hmui hrih tih a sawi.

Rules-a tarlan dan chuan, PwD Commisioner post hi thla ruk chhung a ruak a nih chuan advertisement chhuah tur a ni. State sorkar chuan Search-cum-Selection Committee a din tur a ni a, Committee chuan advertisemnt kaltlanga diltute emaw, dilna thehlut kher lo tling leh ṭhaa an hriatte a thlang thei. Thlan chhuahte aṭangin state sorkarin Commissioner tur chu a ruat dawn a ni.

PwD Commissioner hian hlawh leh hamṭhatna dangte (salary leh allowance)-te chu Mizoram sorkara prin-cipal secretary-te lak ang an la a, kum 65 thleng bak thawh theih a ni lo. Kum 65 an tling lo a nih pawhin term hnih bak chelh theih a ni lo a, term khat hi kum thum a ni.

Social Welfare depart-ment chuan thu-chhuah siamin, The Persons with Disabilities (Equal Opportunities, Protection of Rights and Full Participation) Act, 1995 chu Parliament-a pass a nih hnuin January 1, 1996-a President-in a pawmpui hnuah notification tihchhuah a nih thu an tarlang a; "Dan kengkawhtu chu Ministry of Social Justice & Empowerment a ni a, a subject hi Ministry of Home Affairs chan a ni lo," an ti.

Tun hnaia B Sai-rengpuii, PwD commi-ssioner aṭanga chawlhtir a nih chungchangah Ministry of Home Affairs-in thu leh hla an nei lo tih tarlangin Social Welfare department chuan, "Dan kengkawhtu Ministry of Social Justice & Empowerment pawhin thu leh hla an rawn nei lo," an ti a; boruak ngun taka thlir chungin PwD comissioner B Sairengpuii hun pawhseina thupek chu Mizoram sorkarin a hnûkkîr niin an tarlang.