2018-ah third front a piang dawn: Duhoma

ZNP president Lalduhoma chuan, Congress leh MNF ni lo sorkar siam tumin mipui thin-lung a inbuatsaih mek nia sawiin, "Kum 2018 inthlan lo awm turah sorkarna siamtu tur third front a piang dawn a, Congress ni lo, MNF ni lo sorkar siam turin ram vei mite thinlung a inbuatsaih mek," a ti.

Nimina ZNP pisaa inkhawmah thu sawiin Lalduhoma chuan, Cong-ress party leh MNF party-te chu Mizoramah vawi li an insorkar chhawk tawh tih a sawi a; term hnih a záwna an sorkar hnuah hneh taka paihthlak an ni ve ve zel avangin, paih tawh hnu chhar leh ṭhin chu inchhìrna mai a nihzia mipuiin an hre tawh niin a sawi.

ZNP President chuan, Zoram mipuiin politics-ah thutlukna la siam lo mah se, thil inmun mek a awm niin a sawi a, "Congress hi mipuiin an ning a, an nin tawh hnu MNF-a thlak hi an châk miah lo ang, an phur miah lo. Anmahni MNF chiah hi a phûr awmchhun an ni," a ti a; mipuite chu politics insingsa mekah chhel leh rinawm taka lo ngaichâng turin a chah a ni.