Mizoram chhuahsan tura tih vangin lawm
MPC ṭhalai chuan thuchhuah siam-in, Taitesena group YMA-te-ten ram leh hnam humhalh nana Bangladesh aṭanga Mizorama Chakma lo lutru Mualthuam, Thaidawr leh Sotapa khua a chhungkaw sarih inbengbel tawhte Mizoram chhuahsan tura an hriattir chu lawmawm an tih thu an tarlang.
MPC ṭhalai chuan Taitesena Group YMA-in ram leh hnam hum-halhna atana ke an pen chu fakawm an tih thu sawiin, "An hmalakna hi a hlawhtlin ngei theihna atan a tawp thlengin kan thlawp zel dawn a ni," an ti.
Congress leh MNF party-te kum 30 an sorkar chhungin ramri veina leh humhalh tumna tak tak an neih loh avangin Mizoramah Chakma foreigner-te an pung zel nia sawiin, "Vawiinah chuan buaipui tham khawp mikhual (Chakma)-te kan hrawn ta hi lungchhiatthlak kan ti hle," an ti a, Mizoram sorkar chu Bangladesh
aṭanga lo lut ru Chakma-te mutmawh hnar mawha neia dapchhuah hna tih takzet a thawk tawh turin an phut.