Bualpui VC-in thawk chhunzawm lo turin ti

Kawnpui leh Kolasib inkar siam mektu Sunshine Oversea Pvt Ltd te hnathawh kal mek a ṭha tawk lo nia ngaiin Pathianni tlai khan Bualpui V/C te chuan an hnathawhna hmunah an enfiah a; thawk chhunzawm rih lo turin an hrilh.

He thil thleng chungchangah hian Kolasib DC H Lalengmawia chuan Bualpui V/C te ngen angin, hnathawh dan hi nimin vek khan a enfiah nghal. Vawiinah DC hian Bualpui V/C leh company hotute chu a pisa-ah hnathawh dan hi a sawipui dawn.