Mi kutthlak tuar loin thi

January 13, 2016 zana Lunglei Lunglawna mi pathumin an khawih rawn vanga hliam, Henry Lalmuankima (24) s/o HS Ngaihzuala (L), Lunglei Ramthar Veng chu nimin zing dar 4 vel khan Lunglei Civil Hospital-ah a hliam tuar loin a thi.

Thu dawn danin, Henry Lalmuankima hi kumin January 13 zanlai vel khan AIR, Lunglei Station bulah mi pathum - Lalduhawma (30) leh kum tling lo mi pahnihin an khawih rawn a, Lung-lei Civil Hospital-ah admit a ni. Mi kutthlaktu Lalduhawma chu police-in an man tawh a, a thurualpui mi pahnihte pawh remand home-ah dah an ni.