Pawl 6-in thisen unit 222 pe

September 30, Inrinni khan Mizoramah pawl parukte'n thisen unit 222 an pe. KṬP, Baktawng Pastor Bialin ZMC Blood Centre tan unit 69 an pe a, petute mipa 54 leh hmeichhia 15 an ni a; KṬP, Bethlehem Pastor Bialin Synod Hospital tan unit 52 pein, petute mipa 40 leh hmeichhia 12 an ni.

ṬKP, Aizawl area ten Civil Hospital, Aizawl tan unit 26 pein, petute mipa 25 leh hmeichhia pakhat an ni a; ṬKP, Lunglei Bazar Veng Unit-in Civil Hospital, Lunglei tan Zomawii Hall-ah unit 22 pein, petute mipa 17 leh hmeichhia panga an ni. ṬKP, Thingfal Pastor Bialin Lawngtlai District Hospital tan pein, mipa 31 leh hmeichhia pakhatte'n unit 32 an pe a; Evangelical Church of Maraland hnuaia KTP Headquarters ruahmannain Council Vaih KTP member 11 leh Bethel KTP member 10-te'n Siaha District Hospital tan unit 21 an pe bawk.