Myanmar buaina vanga ráltlânte biometric enrolment tih hun pawtsei

Myanmar tualchhung buaina vanga Mizorama rawn tlanchhiate bio­metric enrolment leh biographic data lak khawm hun chhung tur chu Ministry of Home Affairs (MHA)-in a pawtsei. Hetih lai hian, Council of Minister ṭhu­khawm chuan biometric enrolment tih an duh loh thu MHA-ah thlen an lo rel tawh.

MHA chuan Myan­mar buaina vanga Mizoram leh Manipur-a Zo hnahthlak ráltlânte chu September 2023 chhunga biometric en­rol­ment leh biographic data la khawm turin state pahnih sorkar a hriattir a; mahse, MHA chuan March 2024 thleng a pawtsei leh a ni.

MHA-in biometric leh biograhphic data lak khawm hna thawk tura a tih angin Mizoram sorkar hnathawkte an inpeih tawh a; MHA-in hun tiam a pawhsei chhan chu - Manipur tualchhung buaina vang leh Mizoramah MLA inthlanpui a awm dawn vang nia hriat a ni.

Tarlan tawh angin, September 27, 2023-a chief minister Zoramthanga hoa Council of Minister ṭhukhawm chuan Myan­mar aṭanga Mizorama ráltlân Zo hnahthlakte biometric enrolment ti lo turin Ministry of Home Affairs ngen an rel a ni.