Zirlai chawimawina hun hmanpui

Minister Lalrinawma chuan September 30, Inrinni khan Zemabawka Se-Lut Resort-ah a bial chhunga Tuikum Bial Zirlai Pawl Meet leh zirlai ti ṭha mi 50-te chawimawina hun a hmanpui.

Lalrinawma chuan, a bial a enkawlnaah ngaih pawimawh pathum a neih thu sawiin, "Chu'ngte chu eizawnna, zirna, hriselna a ni a, khaw hrang hrang milin eizawnna leh hmasawnna tura hmalaknate ka kalpui ṭhin," a ti a; Mizoram sorkarin tun hnaia Tuikum bial chhunga sikul ṭhahnem tak dinhmun ṭha zawka a hláng kai chu lawmawm a tih thu a sawi.

Zirlaite chu ram leh khawtlang hruaitu turte an nih thu sawiin Minister chuan, "Nakin zelah eizawnna hrang hrang in neih hunah mahni mihringpuite hlutna hriain, mi dang tan biak nuam leh dàwr nuam nih tum ang che u," a ti.