Local council-ah seat 545 Mi 1,569-in an chuh dawn

Aizawl Municipal Corporation (AMC) chhungah local council (LC) seat 545 a awm a, mi 1,569-in an chuh dawn. He thu ziah lai thleng hian State Election Commission (SEC) chuan village council (VC) inthlana hming pe lut zat a la dawng kim lo.

Aizawl khawpuiah LC 83-a seat awm zat 545 aṭangin tun ṭum LC inthlanah hian seat 148 chu hmeichhe tana hauh a ni a, a bak seat 397 chu a duh apiangte tan chuh theih (general seat) a ni. General seat chuh tur mi 1,153 leh hmeichhe tana seat hauh chuh tur mi 416 an awm.

Nimin chawhnu lam thleng khan SEC chuan Siaha leh Lawngtlai district tih loh Mizorama district pakuaa VC 558-a seat 2,464 awmte chuh tura hming pe zat a la dawng kim lo. VC seat 2,464 zinga 1,831 chu general seat a ni a, hmeichhe tan seat 303 hauh a ni.