Politics hi eizawnna a ni lo - MPCC Treasurer

Mizoram Pradesh Congress Com-mittee (MPCC) treasurer Dr Lalmalsawma Ngaka chuan nimin khan Mualpui Road Welfare, Salem Veng silver jubilee lawmna a hmanpui a; politics chu eizawnna ni loin, rawngbawlna a nih thu a sawi.

Dr Lalmalsawma Nghaka chuan politics pawimawhna sawiin, "Politics hi eizawnna tur a ni lo a, mipui rawngbawlna tur a ni zawk. Chuvangin, politics-a kan awmna chhan kan hriat chian leh zual a ngai," a ti.

Mizoramah ruihhlo a hluar hle tih sawiin Dr Lalmalsawma chuan, "Kum tin ruihhlo vanga kan ṭhalai leh pavalai thi an pung tual tual a, ruihhlo vangin kan ram, kan khawtlang leh kan kohhrana mi ṭangkai tak tak turte hman tlakin loin ruihhlo bâwihah an táng mek a ni," a ti a; ruihhlo chu Mizoram ral lian a nih avangin do thei tura ṭan rual a ngaih thu a sawi.

Mualpui Road Welfare hi kum 1998-ah din a ni a; veng chhunga zu leh sualna hrang hrang hluar tirêm tura din niin, veng chhung inkalpawhna kawng leh street light ṭhenkhat an enkawl mek a ni.