Sorkar ṭha a awm theih nan BJP sorkar a din a ṭul - BD Chakma
BJP, Mizoram Pradesh hruaitu leh MLA Dr Buddha Dhan Chakma chuan, Mizorama MLA inthlanpui awm turah sorkar ṭha leh thianghlim a awm theih nan BJP sorkar a din a ṭul niin a sawi.
Dr BD Chakma hian nimina Swachhata Hi Seva leh Vocal for Local Campaign hun hmannaah thu sawiin, "MLA General Election awm turah hian Mizoramah sorkar ṭha leh thianghlim a awm theih nan BJP sorkar Mizoramah neih ngei kan mamawh. Mizoramah kawng hrang hranga faina kan neihna hun a thleng ang a, chutih hunah chuan Mizoramah mipui beisei development kan hmu tawh dawn a ni," a ti.
Mi dang tana luanchhuahna leh faina beihpui thlaknaah Narendra Modi kaihhruai sorkar hnuaiah India ramin nasa takin hma a sawn nia sawiin BD Chakma chuan, "Seva Pakhwada denchhenin keini pawhin thisen pek rûnpui kan buatsaih tawh a, free medical camp kum dangah kan buatsaih tawh ṭhin," a ti a, faina beihpui thlakah nasa takin hma an la ṭhin bawk niin a sawi.
Dr BD Chakma chuan, faina chuan chhung lam faina leh sorkarnaah pawh kut fai nena hna thawh a keng tel tih sawiin, "Faina beihpui hi Mizoramah kan mamawh hle a, kut fai nena Mizoram kaihhruai tur kan mamawh a ni," a ti.