MNF hi political party zinga hruaitu nei ṭha ber kan ni - MNF Treasurer

MNF treasurer K Vanlalauva chuan, MNF chu Mizorama political party zingah hruaitu nei ṭha ber niin a sawi.

K Vanlalauva hian nimina Bengkhuaia Hall, Sailama Aizawl South-II MNF South Block inkhawmpui a hmanpuinaah thu sawiin, "MNF hi party zawng zawngah hruaitu nei ṭha ber kan ni. Kan hruaitute hi principle nghet tak nei an ni a, Pathianin kan ram humhim tura min pek an nih avangin MNF hruaitute hi an hlu bik hle a ni," a ti.

Awmna party din a nih dan hriat a pawimawh nia sawiin K Vanlalauva chuan, "MNF chu Mizo hnam tana din a ni a, Zo fate rorelna pakhat hnuaia kan awm theihna tura din a ni," a ti a; sorkarin kalphung a nei a, dan avanga thil tih mai remlo a awm ṭhin thu a sawi.

MNF Treasurer chuan, hruaitu insawichhiat tawn chu ṭha lo a tih thu sawiin, politics-a inchirhthehna leh mimal nun inlipsèin rah ṭha a chhuah ngai lo niin a sawi a, "Tu mah hi sual bik, ṭha duh hauh lo kan awm lo. Mi ṭha nia kan ngaihte hi sorkara an awm hnu hian an sual thar thut i ring lo ang u. Rilru mumal pu hlei thei loa mipui siamtute hi anmahni thoin a tuar leh ṭhin," a ti.

Inkhawmah hian Aizawl South-II bialtu MLA Dr F Lalnunmawia pawhin thu a sawi a; MNF Treasuter hian MNF zawm thar mi 885 a lawm lut niin MNF thuchhuah chuan a tarlang.