Minister-in YMA jubilee hmanpui

YMA, Chhinga Veng Branch chuan an kum 60-na, diamond jubilee nimin khan an veng community hall-ah an lawm a, bialtu MLA Robert Romawia Royte, minister leh Central YMA president R Lalngheta ten an hmanpui.

Robert Romawia Royte chuan, Chhinga Veng Branch YMA-in kum 60 chhunga ṭanpui ngaite ṭanpuina atana hma an laknate leh thil ṭha an tihte chu chhuanawm a tih thu leh Mizoram ṭhenawma Zo hnahthlakte harsatna tawh chungchanga YMA hmalakna chhuanawm a tih thu a sawi.

Robert Romawia chuan, a bial, Aizawl East-II tan state budget páwn aṭangin cheng nuai 30,000 chuang hû hna thawh mek, thawh zawh tawh leh thawh tura sum tihchhuah tawh a awm thu a sawi bawk.

Chhinga Veng Branch YMA-ah hian member 2,875 an awm mek a; an diamond jubilee pualin Inter Branch YMA Basketball Tournament an buatsaih a, hmun hrang hrangah ṭanpuina an pek bakah thisen an pe a ni.