Larsap-in Mamitah NGO-te a kâwm Lungrual taka thawhho a ṭul: Governor

Governor Lt.Gen. Nirbhay Sharma chuan nimin khan Mamit district chhunga mipuite khawsak phung leh dinhmun zir chiang turin Mamit a tlawh. Larsap hian Mamit Joint V/C, Bru Coordination Committee leh Chakma pawl hruaitute a kâwm a, Mizoram hmasawnna tura lungrual taka thawhho a ṭul thu a sawi.

Larsap chuan, Mamit district chhunga hmasawnna atana pawimawh hmasa chu a chhunga cheng mipuite inlungrualna leh thawhhona ṭha a nih thu a sawi a, "Mizo, Chakma, Bru leh hnam bil hran hran boruak siam lo a, Mizoram hmasawnna tura lungrual taka thawhhona ṭha neih hi Mamit district mipuite'n an mamawh ber a ni," a ti.

Governor hian sorkar official-te pawh DC conference hall-ah a kâwm a, head of department-te chuan an hmalakna leh harsatna an tawhte an hrilh.

Border Security Force-te pawh khawtlang hruaitute leh district official-te tan khawtlang leh mipui hmasawnna tura hna thawhpui atan sâwm theih an nih thu sawiin Nirbhay Sshar-ma chuan, "Hmasawnna hna chi hrang hrang innghahna bulpui chu kawngpui ṭha a ni. Hnathawktu ṭhenkhat, sum phût vanga rûkbo a nih ṭhin avangin kawngpui siam hna a chak lo fo tih in hriat ka ring. He thil huatthlala tak titawp tur hian mipui, police leh district thuneitute zawng zawng
ṭan-rual a ngai," a ti.

Governor chuan, college zirlaite a kawmnaah, Mizo
ṭhalaite'n mi bik leh mi hlawh-tling ni turin theihna an neih thu sawiin, "Tumruhna leh taih-makna nen thil ropui tak an ti thei ang," a ti a; zirlaite chu thliarkar rilru pu lo a, khaw hawi tizau a, inbuatsaihna ṭha zawk nen Mizorama hmasawnna thleng tur atana inbuatsaih turin a chah.

Mamit district SSA hnuaia thawk 40-te an thawhna hmunah an awm lo tih a hria chu pawi a tih thu sawiin, Larsap chuan, "Eng vanga an hnathawhna hmuna awm lo nge an nih lo enc hian thuai ka tum ang," a ti.

Mamit district-ah hian khaw 82 a awm a, mihring 86, 364 an cheng mek. Tun thlenga Mamit district-a Bru raltlan Mizorama kîr tawh zat chu 1,558 an ni.