Kum 2015-ah Aizawl dist.-ah Tualthah thubuai 12 ziak lut

Kum 2015 chhung khan Aizawl district-ah tualthah thubuai 12 leh pawngsual thubuai 17 ziah luh a ni.

Aizawl district-a po-lice officer-te chuan nimin khan Aizawl SP Lalhuliana Fanai hoin Crime Review Meeting an nei a; he hunah hian kum 2015 chhunga Aizawl district-a police station hrang hranga thuvuai ziah luh zinga 453 sawihoin, thubuaite chhuichhuah a nih theih nana hmalak dan turte an sawiho.

Crime review mee-ting-a tarlan danin, kum 2015 chhung khan Aizawl district-ah tualthah thu-buai 12, rûkrûk (burglary & theft) thubuai 898, pawngsual thubuai 17, lirtheia chetsualna 13, dan loa zu zuar leh zu rûi 27, ruihhlo (ND&PS Act) kaihhnawihah mi 18 an man a ni.

Rûkrûk thubuai zing--ah mobile phone kaihhnawih tam berin, case 898 zinga 91 chu mobile phone bo chungchang a ni a; thil rûkbo tam zual zingah gas bûr, Mizo puan leh computer bote a tel.

Police-te chuan, mi thil rûk nia rinhlelh theihte chu leisak lo turin mipui an chah a, "Thil ru leitu thlengin case siamsaka man theih a nih avangin, thil rinhlelhawm zuarte chu leisak lo a, police-te hrilh vat turin kan ngen a ni," an ti.