KHAWTHLIR

NSS training

Gauhati-a NSS Regional Directorate leh Mizoram sorkara NSS Cell-te chuan nimin khan Youth Hostel, Luangmualah NSS programme officer-te tan 'Social Harmony and National Unity' tih thupui zirhona an buatsaih a; Sports & Youth Services secretary Zothankhuma'n a hawng. Training-ah hian NSS programme officer-te telin an riak lut a, February 6, 2016 thleng a awh ang.

Zirtirtute zirtir

Directorate of Science & Technology chuan nimin khan Serchhip Hmarveng YMA Hall-ah Serchhip, Thenzawl, Keiṭum, Chhingchhip leh Chhiahtlanga sikul hrang hranga science subject zirtirtute tan 'Basic Sciences' chungchang zirhona an buatsaih a, zirtirtu ṭhahnem tak an tel.

PIP zirho

National Health Mission bultumin nimin khan Aizawl Civil Hospital conference hall-ah Programme Implementation Plan (PIP) chungchang zirhona neih a ni a, Health secretary Lalrinliana Fanai-in a hmanpui. Workshop-ah hian district hrang hranga Chief Medical Officer, NHM-a district programme manager, data entry operator, district account manager, programme officer leh programme accounts manager-te an tel a ni.

Sikul zirlaibu

Mizoram sorkar chuan thuchhuah siamin, Mizoram sorkar hnuaia sikul leh sorkar phalnaa din sikul zawng zawngte'n MBSE leh SCERT ten text book hman tura an tih an hmang ngei tur a ni tih a tarlang a, "Text book dang leh subject dang zir belh phal a ni lo. Hriattirna zâwm lo chu dan angin an chungah action lak a ni ang," a ti.

7th. Pay duh

Mizoram Ministerial Service Association (MMSA) chuan resolution pass-in, "Central sorkarin a hnathawkte 7th Pay a hmantir hun hunah Mizoram sorkarin 7th Pay min hman tir ve nghal rawh se," an ti. MMSA-ah hian assistant, UDC leh LDC-te an tel a ni.