Oil palm chungchang zirho a ni

Nimin khan Indian Council of Agricultural Research, Ministry of Agriculture, Cooperation & Farmers Welfare leh Department of Agriculture (CH) te huaihawtin Aijal Club-ah ni hnih chhung awh tur workshop ṭan a ni a, 'Technological strategies for Enhancing Oil Palm Production in North East Region of India' tih chu thupuiah hman a ni a, Finance minister Lalsawta'n a hman pui.

Finance Minister chuan, "Oil Palm hi Mizorama awm sa a ni lo a, kan mithiam bengvar takten Birla aṭangin Mizoramah an la lut a, tunah hian khaw 225 ah chin a ni tawh a ni. Mizoram hi rambuai hrehawm takah a lo awm tawh ṭhin a,
ṭhenawm state-te chuan tawng ve tho mah se, Mizoram in a tawn hi a nasa bik a ni. Khatiang dinhmuna ding ṭhin khan tunah chuan remna leh muanna kan nei ta a, hmasawnna a kal chho dawn a ni," a ti.

Lalsawta chuan Mizoramah mithiam tam tak an awm tawh tih sawiin, "Kan thar chhuah zat erawh hmanlai angin a ngai reng a ni, Oil palm pawh hi tam tak thar chhuah a ngai a, chumi thlen nan chuan technology-a hmasawnna hi a pawimawh hle," a ti a, Mizoram pawn aṭang hian Mizorama thlai thar a pun zel nan leh kan ram leilung
ṭangkai lehzuala kan hman theih nan enterprising firm hrang hrang te an rawn lut ṭhin thu a sawi.

Workshop-a tarlan anih danin, Mizoram chhungah hian oil palm hi ram hectare 1,01,000 a zauah chin mek a ni a, district pasariha khaw 225 a mi 10800in an ching mek a ni. Oil palm hralhna hi price fixation commitee-in an tarlan hnuhnun berah chuan kg khat Rs 5.50 a ni.