Kuhva aṭangin vbc. 2.8 hmu tawh

Kum 2015-16 chhungin Bilkhawthlir khuaa kuhva huan neitute chuan Rs 2,80,00,000 an lei chhuak tawh a, hei ai hian a la tam dawn nia thudawn a ni.

Bilkhawthlir khuaah hian kuhva huan siam chhungkaw 450 vel awmin society fel tak an din a, he pawl hian an chhinchhiah danin kum 2015-16 chhung hian kuhva an hralhna aṭangin Rs 2,80,00,000 )an lei chhuak tawh. Assam variety an la hralh loh avangin kuhva aṭanga an sum hmuh chhuah hi hei ai hian a tam dawn a ni. Heng bakah hian kuhva kumh 100/200 vel nei, an hralhna report lo an awm nual.

Bilkhawthlira kuhva huan neitu pawl ten an chhinchhiah danin Bilkhawthlirah hian kuhva aṭang hian kum 2010-2011 chhungin Rs 60,99,960, 2011-2012 chhung-in Rs 1,27,27, 700, kum 2012-2013 chhungin Rs 1,90, 74,130 leh kum 2014-2015 chhungin Rs 2,45,00,000 an lei chhuak a ni.

Bilkhawthlir khuaa kuhva huan neitu te hian an kuhva tharchhuahte chu a huanin hnamdang sumdawng hnenah an khar-chhawntir mai ṭhin a, tunah chuan hhungkaw tam tak chuan mahnia hralh a hlawk zawk tih hriain, a huana kharchhawntir lovin a pumin man to zawkin an hralh ṭhin a ni.