MPCC-in MGNREGA kum 10 tlin an lawm

Congress party chuan nimin khan Congress Bhavan-ah MGNREGA kum 10 tlin an lawm a; Rural Development minister leh MPCC vice president R Lalzirliana'n a hmanpui.

MGNREGA kum 10 tlin lawmnaah hian minister R Lalzirliana'n thu a sawi bakah, MPCC general secretary KT Rokhaw-a'n kum 10 chhunga MGNREGA hnuaia Mizorama hnathawh dante a sawi a; sawihona hun hman a ni.

Meeting-ah hian resolution an pass a; sor-kar laipuia INC kaihhruai United Progressive Al-liance sorkarin MGN-REGA a duang chhuak chu ṭha an tih thu sawiin, "MGNREGA avang hian thingtlanga khawsa mirethei tak takte’n sum hâi luhna an neih theih phah hi a vanneih thlak a, mirethei chhawmdawlna policy Congress party-in a kengkawh zel hi lawmawm kan ti tak zet a ni," an ti.

Central-a sorkarna chang mek NDA/BJP-in state-te hnena sum a pek dan a tidanglam a, sum hmuh tur a tlem ta sawt chu pawi an tih thu sawiin, MPCC chuan, "Heti chunga Congress sorkarin hmasawnna lam hna thawh tikhaihlak lo tura Economic Policy thar a duang hi lawmawm kan ti hle," an ti a; NDA sorkar chu MGNREGA-ah sum tam zawm pe leh turin an phût.

Congress party chuan, UPA sorkar laia Backward Regions Grant Fund sum an rawn pek, Saiha leh Lawngtlai district-a hman tawh NDA sorkarin a titawp chu pawi an tih thu an sawi a; BRGF chu sorkar laipuiin chhunzawm leh ngei se an duh thu an sawi bawk.

MPCC tarlan danin, MGNREGA hi sorkar laipuia UPA rorel lai, kum 2006-ah ṭan a ni a, Mizoramah chuan kum 2005-06 ah Saiha leh Lawngtlai district-ah
ṭan niin, kum 2007-08 ah district dang zawng tuam kim a ni.