Super Bowl-a zai turte

Kumin Super Bowl half time show-a zai turah Coldplay hming nikum kumtawp khan an puang chhuak tawh a, anni bakah hian zai tur dang an puang leh a, chungte chu Bruno Mars leh Beyonce Knowles te an ni. Beyonce hi kum hnih kalta khan Super Bowl-ah hian a lo zai tawh a ni.

Half time show bakah hian Super Bowl behbawm event danga zai turte pawh tihchian chhoh mek a ni. Red Hot Chili Peppers, Metallica, Pharrell Williams leh Skrillex te chu Super Bowl behbawm party-ah te an zai ang a, Alicia Keys, OneRepublic, Fall Out Boy, Dave Matthews Band, Nick Jonas, leh Band Perry te chu Super Bowl concert, Santa Clara, California-a neih turah an zai thung ang.