Lunglei khawpuiah kawng zawh

January 13, 2016 zana Lunglei Radio Station bula mi pathumin kut an thlak rawn vanga February 1, 2016-a thi ta, Henry HS Lalmuankima (22) s/o HS Ngaihzuala (L), Lunglei Ramthar Veng chunga thil thleng duh lohzia lantir nan nimin khan Ramthar Veng mipuite'n Lungleiah kawng an zawh.

Kawngzawh hi Ramthar Venga AOC pum bul aṭanga ṭanin, Lunglei Venglaia DC pisa kawt thleng an kal a, mi ṭhahnem tak an tel. Kawng zawhtute chuan Henry HS Lalmuankima sawisatute chu dan anga a na thei ang bera hrem an phût thute an tarlang a ni.