Tlawng lei chim chhui zo tawh

December 2, 2015 zana Sihhmui leh Lengpuia inkara Tlawng lei chim chhan chhui tura Governor-in Magisterial Enquiry a din chuan an chhui zo tawh a, tunkar chhungin report thehluh an tum.

Thu dawn danin, Magisterial Wnquiry hian document pawimawh an lak khawm tawh bakah, zawhfiah ngaite an zawtfiah tawh a; mahse, lei chim ta bula lei dawh mek an zawh har chhan an chhui tel avangin report an la thehlut thei lo.

Lei dawhtu Tantia Constructions-in an lei dawh pakhat ban chu a nghîng niin an sawi a, chu chu National Institute of Technology (NIT), Silchar-ah endiktir a ni a, vawiinah chhanna an rawn thawn beisei a ni.

NIT-Silchar chhanna an hmuh chuan lei chim chhan leh lei dawh zawh har chhan an chhuina report sorkarah an thehlut nghal thei dawn a ni.