KHAWTHLIR

Ram khawih Phal tawh lo

Serchhip DC Dr Lalrozama chuan thupek chhuahin, National Highways and Infrastructure Development Corporation Ltd. ten tun aṭanga rei lo têah NH 54, Aizawl-Tuipang kawng zau hna an thawk dawn tih a tarlang a; kawngpui kama huan, lo, ram, etc. neite tan kawngpui aṭanga meter 100 huam chhungah ram inpek, lei leh hralh, inhlan chhawn, ramri tihdanglam reng reng tih phal a ni lo tih a puang.

Venhimna sawiho

KTP General Conference Organising Committee-te chuan Thawhlehni khan Champhai SP PR Meena a pisaah an kâwm a, March 3-6, 2016 chhunga Champhaia KṬP General Conference huna venhimna kalpui dan tur an sawipui.

E.Roll siam tha

Mizoram sorkar chuan thuchhuah siamin, Aizawl district huam chhunga Assembly constituency 14-a service electoral roll siamṭhat chu peihfel a nih thu a tarlang. Electoral roll thar hi a duh tan ERO leh AERO office-ah enfiah theih a ni.

Mei zu 14 man

Aizawl District Anti Tobacco Squad chuan nimin khan Bawngkawn leh Laipuitlang inkara office hrang hrangah COTPA dan bawhchhia an awm leh awm loh an enfiah a; phal lohna hmuna mei zu mi 14 manin pawisa an chawitir. Aizawl district ATS-te chuan pisa pisa chhungah meizûk a nih loh nan nasa zawka ṭan la turin an ngen a ni.

Motor insú-ah thi

Nimin chawhnu dar 1:30 vel khan Muallungthu dáiah Karisma bike leh 407 truck an insú a, bike khalhtu Lalbiakkima (32) h/o Lalenkawli, Thenzawl Dinthar Veng chu State Referral Hospital, Falkawna lak a nih hnuah a hliam tuar loin nimin tlai dar 2:30 vel khan a thi.

Lehkhabu thar

Dr. Rosy Lalmalsawmi Ngente lehkhabu ziah 'Aigupta Ramah Chhungkaw Thianghlim' tih chu nimin khan Aijal Club-ah Lalrammawia Ngente in a tlangzarh.