Buhfaiah hlauthawng lo turin mipui chah

Congress party chuan thuchhuah siamin, tunlaia khaw hrang hranga kudamah buhfai a awm loa sawi ṭhin chu thil hriat chian tâwk loh vang niin an tarlang a, "Buhfai chung­changa kalphung tharah buaina tur a awm lo," an ti.

MPCC Media department chuan, Food, Civil Supplies & Consumer Affairs minister John Rotluang­liana duh dan angin, kawng chhia leh fûr ruahtuiin a dan mai turte tih lohah chuan kudamah buhfai buhfai chhêkkhâwl a ni tawh lo tih an tarlang a; "A ṭhat lohna langsar zualte chu - buhfai chhêkkhâwl a nih hian sazu tam tak kan châwm a, buhfai rîral a tam phah em em a ni. Mamawh aia tam buhfai chhêk a nih hian thawktute’n thlêmna an do zo lo fo a, eirukna a thlen thei bawk," an ti.

Congress party chuan, FCSCA minister John Rotluangliana'n hneh takin a department a enkawl nia sawiin, chhuanawm an tih thu an sawi a, "A chak em avangin MNF party hian dâwta puh hmingchhiat dan tur an zawng ni maiah kan ngai," an ti.