Lawngtlai Water Supply en chhin

Lawngtlai khawpui chawm tur tuilak hna kalpui mek Greater Lawngtlai Water Supply Project chu nimin khan LADC CEM VL Hmuaka leh OHE CE Remsiama hlawhtling taka pum chhim a ni, Greater Lawngtlai Water Supply Scheme hnuai ah hian Chhimtuipui kam a treatment plan aṭangin metres 760 a sang pipe meter 5928 a sei a zawm, Chawnhu tlanga tui litres nuai 5 dawng tuizem lian ah hlawhtling taka a pump chhoh a ni a, heta ṭang hian chhuk zawng vekin zonal tank-ah te thun luh tawh tur an ni. Zonal Tank atang chuan in tin tan connection lak theih a ni.

Treatment Plant hi Chhimtuipui aṭanga meters 250 a sang ah bun a ni a, hemi inkar tuilak nan hian pipe a lai hawlhtlang inches 11 meter 1010 zet hman a n.

Greater Lawngtlai Water Supply Scheme hi Ministry of DoNER hnuai ah Rs. 25,64,50,000 senga thawh a ni a, he hna hi M/S Exelsior Merchants Pvt, Ltd. Kolkata ten an thawk a, ruahmanna ang chuan electric chakna hmanga pump tur leh a ṭul chang a diesel hmanga pump ve chauh tur a ni.

Tun dinhmunah chuan electric hi la thlunluh fel loh deuh a nih avangin diesel hmanga pump chhin rih a ni. Greater Lawngtlai Water Supply Scheme hian Lawngtlai khawpui a mihring lo pung zel tur nen chhutin Kum 2040 thlengin nitin mipakhat tan tui litres 40 zel pe thei tur a chhut a ni.