State páwn mite'n oil palm chìnna tlawh

Mizorama ‘Regional workshop on oil palm’ hmanga rawn kal Nagaland, Assam, Arunachal Pradesh, West Bengal, Meghalaya leh ICAR-Indian Institute of Oil Palm Research (IIOPR), Andhra Pradesh, mite chuan nimin khan Khamrang, Kolasib district-a oil palm chinna hmun an tlawh.

Workshop hi ICAR-Indian Institute of Oil Palm Research (IIOPR), Andhra Pradesh, Mizoram sorkara Agriculture (Crop Husbandry) department leh sorkar laipuia Department of Agriculture leh Cooperation & Farmers Welfare buatsaih a ni a; Khamráng an tlawhnaah hian Agriculture (CH) director Dr C Lalzarliana leh officer dangte'n an hruai a ni.

Oil palm zirnaa telte hian Khamranga oil palm hmun an tlawh hnuah Bukvanneia Godrej Agrovet Oil Palm Mill an tlawh leh a; ICAR-IIOPR director Dr RK Mathur leh scientist palite'n West Serzawla oil palm chi siamna hmun tur, Oil Palm Seed Garden an tlawh bawk.

Workshop-ah hian Thawhlehni khan India hmarchhak state hrang hranga oil palm chìn zel dan tur sawiho a ni a, Mizorama oil palm chin dan chipchiar takin an zir bawk. Workshop-ah hian Nagaland aṭangin sorkar official-te bakah loneitu an tel a ni.