Industrial Estate tan nuai 1802.56 hmu

Mizoram sorkar thuchhuah chuan, Zuangtuia Industrial Estate tihchangtlun nan sorkar laipuiin cheng nuai 1802.56 a pawm tih a tarlang.

Sorkar thuchhuah chuan, Industrial Estate tihchangtlunna tura cheng nuai 1802.56 hmuh tur chu chief minister Lal Thanhawla, Industries minister H Rohluna leh parliamentary secretary (In­dustries) Joseph Lalhimpuia te ṭha­hnemngaihna vang a nih thu a tarlang a ni.

Sorkar tarlan danin, cheng nuai 1802.56 hi Industrial Estate tihchangtlun nan te, a panna kawng zauh nan te, Common Facility Centre din nan te, kawlphetha lak luhna atante leh thil pawimawh dang atan hman tum a ni. Hna thawh a nih dawn avangin Zuangtui Industrial Estate chhunga dan loa awm te, allotment fee leh annual fee pe lote chu lo inring lawk turin a hriattir bawk.