KS Thanga'n Myanmar dinhmun YMA sawipui

Parliamentary secretary KS Thanga chuan, tun hnaia Myanmar a tlawh ṭuma Zohnahthlakte dinhmun chungchanga a thil hmuh leh hriat, ram tana pawimawh tur nia a hriatte nimin khan a pisa-ah Central YMA hruaitute a sawipui. KS Thanga chuan November, 2015-a Myanmar ram inthlana NDL thlan tlin an nih hnuah an ram kalphung chu nasa taka sawi danglam mek a nih thu sawiin, "A ram mipuite pawh democracy hmachhawn turin an inruahman mek a, khawvel ram hausate mit fukna ber an ni mek a ni," a ti.