Hmeichhiate humhalhna zirho

Govt. Mizoram Law College buatsaih, State Level Legal Awareness Workshop on Women Related Laws chu nimin khan Champhai I&PR auditorium-ah Mizoram State Commission for Women (MSCW) chairperson Vanlalawmpuii Chawngthu-in a hawng.

Vanlalawmpuii chuan Mizo hmeichhiate chu hnam dang tam tak ngaih-tuah chuan society-a an dinhmun chuan ziaawm lam a pan zel thu sawiin, "Inneih leh in-
ṭhen nikhuaa hmeichhiate humhalh tur, 'The Mizoram Marriage, Divorce and Inheritance of Property Bill' pass a ni te hi state dangte pawhin an awt ve em em a ni," a ti.

Dinhmun a inan vek loh avangin hmeichhiate humhim thei tur dan
ṭha tak tak awm mah se, hriat loh avanga harsatna tawk tam tak an la awm
ṭhin sawiin Vanlalawmpuii chuan, "Kan society kal-phung hrim hrimah hlawh-tlinna kawng pawh ni se hmeichhiate tan chuan lang si loah harsatna tam tak a la awm," a ti a, mipa el tumna rilru ni loin, hmeichhiate chanvo leh dikna te inhrilhhriat a pawimawh thu a sawi.

Thusawitu dang Cham-phai DC Vanlal-ngaih-saka chuan hmei-chhiate humhalhtu dan hrang hrangte inhrilhhriatna hun buatsaih a ni chu lawm-awm a tih thu sawiin, "Heng dante hi hmei-chhiate hriat atan mai ni loin mipate pawhin hre tlang ve vek se a hlawhtlinna a zual ngei ang," a ti.