Kolasib Chapchar Kût hman dan sawiho

Kolasib-a Chapchar Kût hman dan tur relin nimin khan Kolasib DC H Lalengmawia hoin, a pisaah sorkar department leh tlawmngai pawl hrang hrangte an ṭhukhawm.

H Lalengmawia chuan, Kolasib-ah Chapchar Kût ropui leh hlimawm taka hman a nih theihna atan ngaihtuahna sêng a, thil tih âwm nia an hriatte rawt turin kalkhawmte a sáwm a ni.

Meeting-ah hian District Level Chapchar Kut 2016 Organizing Committee ruangám tur din nghal a ni a, Committee-ah hian chairman chu SIRD Director ruat a ni.

Kolasib-a Chapchar Kût hmanna turah hian Art & Culture department-in Rs. 1,00,000 a tum dawn a; chu chuan mamawh a phuhrûk theih dawn loh avangin sum hmuhna dang dap an rel a ni.