Link road tam zawk siam tum a ni - Zira

Agriculture department (Crop Husbandry) chuan nimin khan an committee room-ah quarterly review meeting an nei a, meeting hmanpuitu Agriculture minister R Lalzirliana chuan link road tam zawk siam tum a nih thu a sawi.

Agriculture Minister chuan hlawhtling turin link road ṭha neih a pawimawh thu sawiin, "Mipuiten an chhawr theih turin link road tam zawk siam tura hmalak mek a ni," a ti a, department-a thawktute chu loneitute hlawhtlinna chu an hnawthawhah a innghah tlat tih hria a, inlungruala taka thawkho zel turin a fuih.

R Lalzirliana chuan Agri-cul-ture department chu State Plan-ning Board lam pawhin an ngai-pawimawh hle tih sawiin, "Mipuite tan chhawrnahawm tur leh tihhlawhtlin theih tur project siam kawnga ṭhahnem ngai lehzual a pawimawh," a ti a; oil palm
aṭanga hlawkna kan tel tam lehzual nan a chinna hmun thlan thiam a pawimawh thu a sawi bawk.

Khualzahawm parliamentary secretary (Agriculture) lt. col. ZS Zuala chuan Agriculture department-in nasa takin kuthnathawktute an chhawk zangkhai thei tih sawiin, thawktute chu an thiamnate loneitute tan hmang ṭangkai zel turin a chah.

Meeting-ah hian District Agriculture Officer-ten kum 2015-16 chhunga an district chhung ṭheuha an hmalak dan tarlangin, inhrilhfiah ngaite inhrilfiah a ni.