Mi kut tuarte hnenah Zangnadawmna hlan

Lunglei District Court-ah Ningani khan The Mizoram Victims Of Crime Compensation Scheme hnuaia misual kut tuara thi leh pawngsual tawkte hnena zangnadawmna pek a ni a, Lunglei District & Session judge Marli Vankung-in a dawng turte hnenah a hlan.

Zangnadawmna dawngtute chu - March 28, 2014-a mi kut tuara thi Vanlalduha, Lungsen South chhungte hnenah Rs. 1,00,000, August 2014-a pawngsual tâwk Hnahthiala hmeichhe tleirawl kum 16 mi hnenah Rs. 50,000 leh, November 2014-a South Vanlaiphaia pawngsual tawk hmeichhe naupang hnenah Rs. 50,000-te pek a ni.

The Mizoram Victims of Crime Compensation Scheme hnuaiah hian misual kut tuara thi chhungte, pawngsual tuarte leh misual kut tuara hliam na tak tuarte hnenah zangnadawmna pek ṭhin a ni.