Mizoram BJP hruaitute chawlh lailâwktir

BJP Mizoram Pradesh president Prof. JV Hluna chuan an party vice president Chalngura Jahau leh hruaitu dang pathum bakah party member palite chu BJP-a an nihna aṭangin a chawlh lailawktir.

BJP aṭanga chawlhtirte chu - vice president Chalngura Jahau bakah, Core Committee member N Joshua, State Executive member pathum - Lalrokima Lianhna, K Sangzuala leh K Lalchhanhima te, party member pathum - PC Lalrinthanga, Christina Lalrinpuii leh Thluakho Solo-te an ni.

BJP President chuan, an hruaitu leh member-te chawlh lailâwktir an nih chhan chu, party inkaihhruaina dan an bawhchhiat vang a nih thu a tarlang. Chawlhtir an nihna thupek chu BJP general secretary Vanlalhmuaka February 4 khan a chhuah a ni.