Heroin hawng 9 man

Mizoram police leh Central YMA hnuaia SRS duty-te chuan nimin zing khan Bawngkawnah heroin hàwng 9, Rs. 4,05,000 man hû leh a neitua puhte an man.

Heroin an manna hi Zokhawthar aṭanga Aizawl rawn pan maxicab, MZ-01 D-0350 a ni a, police leh SRS-te chuan Bawngkawnah lo dapin, heroin eng emaw zat an man a ni. Heroin neitua puhte hi David Lalremruata (24) leh Goldena (22), Zokhawthar nia insawi ve vete an ni.

Mite pahnih hian Zokhawthar
aṭangin heroin hàwng 11 an keng a, hawng ruk chu mi dang an pe tawh niin an sawi. Hawng li chu an lo pek tawh Lalzikpuia (22) Bawngkawn inti pawh SRS leh police-te chuan an man leh a ni.