NH-54 siam turte'n Larsap an hmu

National Highway-54, Aizawl leh Tuipang inkar kawngpui zauh leh siamṭhat hna thawktu tur Na-tio-nal Highways and Infra-structure Development Corporation(NHIDCL) hotute chuan Ningani khan Raj Bhavan-ah Governor Lt.Gen. Nirbhay Sharma an hmu a, hnathawh an tum dante an hrilh.

NHIDCL hotute chuan, Japan International Coope-ration (JICA) sum pûkin km. 380-a thui NH-54, Aizawl leh Tuipang inkar kawngpui chu chei ṭhat a nih tur thu an sawi a, "NH-54 hi metre 12-a zaua siam a nih dawn bakah, alkatra luan chin pawh metre 8-a zau a ni ang. Kumin chhungin ram lâk (land acquisition) chinfel hman a nih chuan nakkum hna thawh theih hun aṭanga kum li ral hma ngeia siam zawh tum a ni," an ti.

Larsap chuan, NH-54 in KMMTTP kawngpui chhim lamah a thlun zawm thei chu lawmawm a tih thu sawiin, "Mizoram tan a hlu hle dawn a ni," a ti. Mimal ram lâk tur chinfel, sorkar laipui nen indawrnaa harsatna awm thei leh kawngpui siam tiṭhuanawp thei lakah chinfelpui an ngai a nih phawt chuan a theihna zâwnah ṭan a lo lak tur thu NHIDCL hotute a hrilh a ni.