AMC-in sum a nei lo -AMC Mayor

Aizawl Municipal Council (AMC) mayor PC Lalhmingthanga chuan AMC-in sum a neih loh thu sawiin, "Zero balance-in bul kan
ṭan a ni," a ti.

PC Lalhmingthanga hian nimin khan Mizo Hnam Rûna inkhawmah thu sawiin, "AMC sum tur June 2015-a awm tawh pek a la ni lo. UD&PA department aṭangin a bo niin ka hria. A hriate sawi dan chuan K-Deposit-ah an dah a ni," a ti a; AMC sum tur second instalment sorkar laipuiin pek duh mah se, first instalment pawh an la dawn loh avangin kawng a pin rih niin a sawi.

AMC Mayor chuan, AMC-a Congress an sorkar chhungin hna inpek dan fel lo a tam thu sawiin, "MNF an sorkar chhunga hna an inpek an cancel ang khan ka ti ve lo. An chhuak turin hna an siamte kan ngaidam. Mahse, dawhkan aṭanga hna siam an nih avangin a fel lo a tam hle. A endik hna kan thawk mek a ni," a ti.

Information technology lama an hmalakna sawiin PC Lalhmingthanga chuan, "AMC office-a kal kher ngai loin, mahni awmna hmuna form hrang hrangte download theih tura peihfel a ni tawh," a ti a; free wifi chungchangah kumin chhung ngeia tihhlawhtlin a nih tur thu a sawi.